Falaban no telediario da Primeira do cativo incremento do uso de internet entre os vellos e apoiaban a noticia con algunhas entrevistas na rúa. Nunha delas, a xornalista mantiña a conversa que sigue cunha vella duns setenta anos:
-¿Tiene usted internet?
-No.
-Dicen que hace mucha compañía.
-Ya. También los perritos.
Iso é internet para a gran maioría dos usuarios, un substituto da compañía, un xeito de pasar e/ou matar o tempo, un simple divertimento. Por esa razón está xa nas nosas mans, nos chamados teléfonos intelixentes. Certo que a propaganda fala das enormes vantaxes de estar permanentemente conectado á rede por medio destes aparatiños. Semella que son tantas esas vantaxes que mesmo algunhas autoridades educativas, influenciadas por pedagogos á ultima e compañías de telefonía móbil, están pensando en permitir o seu uso educativo nas aulas. A falta de autoridade para ensinar aos nenos a permanecer sentados -un dos primeiros e nada desdeñables logros que conseguiu no seu tempo a escola segundo Kant-, e de mestría profesoral para captar a súa atención, hai que botar man de calquera cousa para que os rapaces non se desmanden e non se aburran. E nada mellor para iso que o emprego desa nova, sabia e doce compañía que temos os humanos nas nosas mans. Ben pensado, sería unha decisión consecuente cunha sociedade que fai tempo que conta entre as súas principais demandas a diversión.
1 comentario en “Doce compañía”
No le falta razón alguna a Alfonso Mato. La compañías antiguas (tertulias espontáneas en los cafés, la lectura, la música) vienen a ser sustituidas (incluso la soledad deseada) por alternativas que acaban con las viejas costumbres. En cuanto a la educación en los colegios, quizá no quede otra solución que aceptar las nuevas fórmulas aunque habrá que estudiar si son más eficaces que las que se mantuvieron durante décadas. Viejo como soy, antes había, creo, menos tiempo para “aburrirse”, que era un verbo desterrado del vocabulario infantil, generalmente. Siempre había que inventar algo para no caer en ese aburrimiento.